پاک فوج کی جانب سے بتایا گیا ہے کہ میجر عاطف خلیل شہید نے 8 سال سے زائد عرصے تک دفاعِ وطن کا مقدس فریضہ سر انجام دیا۔
پاک فوج کے شعبہ تعلقات عامہ آئی ایس پی آر کے مطاق میجر عاطف خلیل شہید کے سوگواران میں والدین، بہن بھائی، اہلیہ اور ایک بیٹی شامل ہے۔
آئی ایس پی آر کے مطابق نائیک آزاد اللّٰہ شہید نے پاک فوج میں 15 سال وطنِ عزیز کا دفاع کیا، ان کے سوگواران میں اہلیہ، 2 بیٹے اور بیٹی شامل ہیں۔
نائیک غضنفر عباس شہید نے 14 سال تک پاکستان کے دفاع کا فریضہ سر انجام دیا۔
آئی ایس پی آر کے مطابق نائیک غضنفر عباس شہید کے سوگواران میں اہلیہ، بیٹی اور ایک بیٹا شامل ہے۔
واضح رہے کہ گزشتہ روز سیکیورٹی فورسز کے بنوں میں آپریشن کے دوران 8 خوارج ہلاک ہوگئے تھے جبکہ پاک فوج کے میجر اور 2 جوان شہید ہوئے تھے۔
