بھارتی کرکٹ ٹیم کے بیٹر ویرات کوہلی کو آسٹریلوی اوپنر کے ساتھ الجھنا مہنگا پڑ گیا ، آئی سی سی نے جرمانہ عائد کر دیا۔
ویرات کوہلی نے میلبورن میں کھیلے جانے والے باکسنگ ڈے ٹیسٹ کے پہلے دن آسٹریلوی اوپنر ویم کونسٹاس کو کندھا مارا تھا ، بھارتی اسٹار کی آسٹریلوی اوپنر سے الجھنے کی ویڈیو سوشل میڈیا پر وائرل ہو گئی تھی۔
بھارتی میڈیا کے مطابق انٹرنیشنل کرکٹ کونسل (آئی سی سی) نے ویرات کوہلی کو میچ فیس کا 20 فیصد جرمانہ کر دیا ہے۔ اس کے علاوہ کوہلی کو ایک ڈی میرٹ پوائنٹ بھی دیا گیا ہے۔
سوشل میڈیا پر ویرات کوہلی پر شدی تنقید کی جا رہی ہے اور ان کی اس حرکت کو ناپسند کیا جا رہا ہے۔
