امریکی ریاست کیلیفورنیا کے ایک شاپنگ مال کے باہر کھڑی گاڑی سے معروف ٹک ٹاکر نیسایا ٹرنر کی لاش برآمد ہوئی ہے۔
غیر ملکی میڈیا کی رپورٹس کے مطابق، یہ افسوسناک واقعہ 18 جنوری کو جنوبی کیلیفورنیا کے ایک شاپنگ سینٹر کے باہر پیش آیا، جہاں 17 سالہ نیسایا ٹرنر کی گولی لگی لاش گاڑی کے اندر پائی گئی۔
پولیس کے مطابق، نیسایا کے سینے پر گولی کا نشان تھا۔ اس وقت تک پولیس کی جانب سے ملزم کی کوئی شناخت نہیں ہو سکی، اور تحقیقات جاری ہیں۔
نیسایا ٹرنر سوشل میڈیا پر معروف ٹک ٹاکر تھیں، جہاں ان کے 3 لاکھ 10 ہزار فالوورز تھے، جبکہ انسٹاگرام پر ان کے 36 ہزار فالوورز تھے۔
موت سے چند دن قبل، انہوں نے سوشل میڈیا پر ایک 15 سیکنڈ کی ڈانس ویڈیو اپ لوڈ کی تھی جو تیزی سے وائرل ہو گئی تھی۔
