مزاحیہ گلوکاری کے لیے مشہور چاہت فتح علی خان اور اداکارہ میرا کی ایک دلچسپ ویڈیو سوشل میڈیا پر وائرل ہو گئی۔
چاہت فتح علی خان نے اپنے آفیشل انسٹاگرام اکاؤنٹ پر معروف اداکارہ کے ساتھ ایک ویڈیو شیئر کی ہے جس میں دونوں خوش اور پُرجوش نظر آ رہے ہیں،اس ویڈیومیں اداکارہ میرا چاہت فتح علی خان کے ساتھ مشہور گانا"بدوبدی" بھی گا رہی ہیں۔
سوشل میڈیا صارفین ویڈیو پردلچسپ تبصرے کر رہے ہیں۔
کئی لوگوں کا کہنا ہے کہ یہ دونوں شخصیات ایک دوسرے کے ساتھ بہت اچھی لگتی ہیں، کچھ نے تو انہیں شادی کا مشورہ بھی دیا ہے۔
چاہت فتح علی خان نے 2024ء میں اپنے وائرل گانے "بدوبدی" سے شہرت حاصل کی تھی، جس نے 1 ہفتے میں 27 ملین ویوز حاصل کیے تھے،بعدازاں کاپی رائٹ مسائل کی وجہ سے یوٹیوب نے اس ویڈیو کو ہٹا دیا تھا،اس کے باوجود چاہت فتح علی خان کی مقبولیت میں اضافہ ہواہے۔
