چیمپئنز ٹرافی 2025 میں پاکستانی ٹیم کی ناقص کارکردگی نے جہاں کرکٹ شائقین کو مایوس کیا، وہیں شوبز انڈسٹری کی مشہور شخصیات بھی اپنے غصے کا اظہار کر رہی ہیں۔
اداکارہ سونیا حسین حال ہی میں نجی ٹی وی چینل کی چیمپئن ٹرافی کے سلسلے میں خصوصی ٹرانسمیشن میں شریک ہوئیں دوران شو اداکارہ نے کئی دلچسپ سوالوں کے جواب دیے۔
دوران گفتگو میزبان نے سوال کیا کہ پاکستان کی کرکٹ ٹیم میں آپ کا پسندیدہ کھلاڑی کون ساہے ؟
جس کے جواب میں سونیا حسین نے بتایا کہ’قومی کرکٹ ٹیم میں اب تک تو میرے فیورٹ پلیئر بابر بھائی تھےلیکن اب ایسا نہیں ہے‘۔
اداکارہ نے کہا کہ اب میرا پسندیدہ کھلاڑی کوئی اور ہے لیکن میں اس کھلاڑی کا نام نہیں جانتی۔
سونیا حسین کا کہنا تھا کہ ’سابقہ کھلاڑیوں میں مجھے فاسٹ بولر شعیب اختر بے حد پسند ہیں، ان کی اپنی ایک پہچان ہے وہ آج بھی کھلاڑیوں کے درمیان کھڑے ہوں تو الگ نظر آتے ہیں‘۔
