مادھوری ڈکشٹ کا شمار بالی وڈ کی سب سے باصلاحیت اور مشہور اداکاراؤں میں ہوتا ہے جو اپنی منفرد طرزِ ادا، بے مثل فنکارانہ صلاحیت اور دلکش شخصیت کے باعث وہ اپنے مداحوں کے دلوں پر برسوں تک راج کرتی رہیں۔
ان کے پرستاروں نے مادھوری کو بے انتہا محبت دی بلکہ وہ اپنے عہد کی سپر اسٹارز میں سے ایک تھیں۔
ریپڈ فائر راؤنڈ کے دوران کرن جوہر نے جیکی شروف سے پوچھا گیا کہ وہ کون سی اداکارہ ہے جس نے اپنی شادی سے کئی دل توڑ دیے؟ بغیر کسی ہچکچاہٹ کے، جیکی شروف نے جواب دیا ’ظاہر ہے، مادھوری ڈکشت نے‘۔
شو میں کرن جوہرنے مزید سوال کیا کہ کیا مادھوری نے آپ کا دل بھی توڑا؟ تو جیکی شروف نے شرارت بھری مسکراہٹ کے ساتھ تصدیق کی کوئی شک؟ یہ دل ٹوٹنے جیسا تو نہیں تھا، لیکن ایسا لگا جیسے واقعی ٹوٹ گیا۔
جب کرن جوہر نے سب سے حسین اور دلکش اداکارہ کے بارے میں پوچھا تو جیکی شروف نے فوراً جواب دیا کہ یہ مادھوری ہے، میں اس سے آگے دیکھ ہی نہیں سکتا، معذرت لیکن میرے زیادہ تر جوابات میں آپ کو مادھوری ہی ملے گی۔
جیکی شروف اور مادھوری ڈکشٹ نے کئی مشہور فلموں میں ایک ساتھ کام کیا ہے۔ ان کی جوڑی کو ناظرین نے خوب سراہا اور دونوں نے کئی سپر ہٹ فلموں میں شاندار اداکاری کی۔
