بھارتی فلم انڈسٹری کی معروف اداکارہ اروشی روٹیلا نے مہنگی ترین رولز رائس کلینن خرید کر تمام بھارتی اداکاراؤں کو پیچھے چھوڑ دیا ہے۔ بھارتی میڈیا کے مطابق اس گاڑی کی قیمت 12 کروڑ بھارتی روپے (41 کروڑ پاکستانی روپے سے زائد) ہے۔
دلچسپ بات یہ ہے کہ یہ لگژری گاڑی اس سے قبل صرف مرد سلیبریٹیز کے پاس تھی، جن میں مکیش امبانی، شاہ رخ خان، الو ارجن اور اجے دیوگن شامل ہیں۔ اروشی روٹیلا اس گاڑی کی مالک بننے والی پہلی بھارتی اداکارہ ہیں۔
اداکارہ نے اپنی نئی گاڑی کی ویڈیو انسٹاگرام پر شیئر کی جس میں انہیں گاڑی سے اترتے اور واپس بیٹھتے ہوئے دیکھا جا سکتا ہے۔ ان کی اس کامیابی پر مداحوں نے خوشی کا اظہار کیا ہے۔
