ابھرتی ہوئی اداکارہ مریم نفیس نے خوشخبری دی ہے کہ ان کے ہاں بیٹے کی پیدائش ہوئی ہے، جس کا نام عیسیٰ رکھا گیا ہے۔
اداکارہ نے انسٹاگرام پر یہ خوشی کا پیغام شیئر کرتے ہوئے لکھا، "ہماری دنیا اب اور بھی حسین ہوگئی ہے"۔
انہوں نے مزید کہا، "ملیں سید عیسیٰ امان احمد سے۔ یہ ننھا فرشتہ، جو ایک ہفتے سے بھی کم عمر کا ہے، اس بابرکت ماہ میں آ کر ہماری محبت میں بھرپور رنگ بھر چکا ہے۔"
مریم نفیس نے اپنے بیٹے کی پیدائش پر خوشی کا اظہار کرتے ہوئے اپنے تمام مداحوں سے دعا کی درخواست کی اور کہا، "اللہ آپ کے سارے خواب پورے کرے، آمین۔ ہمیں اپنی دعاؤں میں یاد رکھیں۔"
انہوں نے ان تمام خواتین کے لیے بھی دعا کی جو اولاد کی خواہش رکھتی ہیں کہ "اللہ آپ کو جلد ہی ایک صحت مند بچہ عطا فرمائے، آمین"۔
اداکارہ نے اپنے شوہر امان احمد کے ساتھ بیٹے کی تصاویر بھی شیئر کیں، جن میں دونوں نے نومولود کو گود میں اٹھایا ہوا ہے۔
یہ بات بھی قابل ذکر ہے کہ 30 سالہ مریم نفیس نے اکتوبر 2022 میں ہدایت کار امان احمد سے شادی کی تھی، جو ان سے 13 سال بڑے ہیں اور ان کی پہلی شادی معروف اداکارہ بشریٰ انصاری کی بیٹی کے ساتھ ہوئی تھی۔
