سابق قومی کپتان شعیب ملک اور بھارتی ٹینس اسٹار ثانیہ مرزا کی علیحدگی پر برسوں سے چہ مگوئیاں جاری تھیں، تاہم اب شعیب کی بہن کے حیران کن دعووں نے اس معاملے کو مزید پیچیدہ بنا دیا ہے۔
بھارتی میڈیا رپورٹس کے مطابق، شعیب ملک کی بہن نے انکشاف کیا ہے کہ ثانیہ مرزا نے شعیب کے "افیئرز سے تنگ آ کر" خلع لیا۔ اس سے قبل، جنوری 2024 میں، ثانیہ کی بہن انعم مرزا نے بھی تصدیق کی تھی کہ ان کی بہن نے شعیب سے خلع لے لی تھی لیکن خاندان نے معاملے کو نجی رکھنے کو ترجیح دی۔
شعیب ملک کی تیسری شادی اور خاندان کی ناراضگی
ثانیہ مرزا سے راہیں جدا کرنے کے بعد، شعیب ملک نے اداکارہ ثنا جاوید سے شادی کر لی، تاہم ان کے اہلِ خانہ نے شادی میں شرکت نہیں کی۔ شعیب کی بہن نے تصدیق کی ہے کہ پورے خاندان نے شادی کی تقریب سے دور رہنے کا فیصلہ کیا، جس سے یہ تاثر مزید مضبوط ہو گیا کہ اہلِ خانہ ان کی طلاق پر ناخوش تھے۔
ماضی کی شادیوں اور تعلقات پر قیاس آرائیاں
شعیب ملک کی نجی زندگی ہمیشہ میڈیا کی شہ سرخیوں میں رہی ہے۔ 2010 میں ان کی پہلی شادی عائشہ صدیقی سے ختم ہوئی، جس کے بعد وہ اسی سال ثانیہ مرزا کے ساتھ رشتہ ازدواج میں بندھ گئے۔ بعد میں اداکارہ سیالی بھگت کے ساتھ ان کے تعلقات کی بھی افواہیں گردش کرتی رہیں، جنہیں انہوں نے سختی سے مسترد کر دیا تھا۔
جنوری 2024 میں ثانیہ مرزا سے علیحدگی کے چند ماہ بعد ہی شعیب ملک کی ثنا جاوید سے شادی کی تصاویر سامنے آئیں، جنہوں نے سوشل میڈیا پر تہلکہ مچا دیا۔ اب ان کی بہن کے تازہ بیانات کے بعد، شعیب اور ثانیہ کی طلاق کی اصل وجوہات پر مزید سوالات جنم لے رہے ہیں۔
