محکمہ موسمیات نے پنجاب کے مختلف اضلاع میں 25 سے 27 مارچ کے دوران بارشوں کی پیشگوئی کی ہے۔ اس حوالے سے پنجاب ڈیزاسٹر مینجمنٹ اتھارٹی (پی ڈی ایم اے) نے الرٹ جاری کر دیا ہے۔
پی ڈی ایم اے کے مطابق راولپنڈی، جہلم، اٹک، چکوال، سرگودھا، میانوالی، خوشاب، منڈی بہاوالدین، شیخوپورہ، حافظ آباد، گجرانوالہ، گجرات، سیالکوٹ، نارووال، فیصل آباد اور ٹوبہ ٹیک سنگھ میں بارش ہونے کا امکان ہے۔
اسی طرح، ملتان، ڈیرہ غازی خان، راجن پور، بہاولپور، خانیوال، لیہ، بھکر، ساہیوال اور پاکپتن میں بھی بارش کی توقع ہے۔
ترجمان پی ڈی ایم اے کا کہنا ہے کہ مری، گلیات اور دیگر پہاڑی علاقوں میں بارش اور برفباری بھی متوقع ہے۔ شہریوں کو احتیاطی تدابیر اختیار کرنے کی ہدایت کی گئی ہے۔
