حال ہی میں محققین نے یہ دعویٰ کیا ہے کہ مصر کے اہرام کے نیچے ایک وسیع زیر زمین شہر دریافت ہوا ہے، جو 6,500 فٹ سے زیادہ پھیلا ہوا ہے۔ اس تحقیق میں اٹلی اور اسکاٹ لینڈ کے ماہرین نے ریڈار ٹیکنالوجی کا استعمال کرتے ہوئے زمین کی گہرائی میں ہائی ریزولوشن تصاویر بنائیں۔
رپورٹ کے مطابق، اہرام کے 2,100 فٹ نیچے آٹھ عمودی ڈھانچے اور مزید 4,000 فٹ کی گہرائی میں کچھ نامعلوم ڈھانچے بھی ملے ہیں۔ ٹیم نے ان نتائج کو "حیران کن" قرار دیا اور کہا کہ اگر یہ ثابت ہو گیا تو قدیم مصر کی تاریخ میں ایک نئی جہت کا اضافہ ہو سکتا ہے۔
تاہم، کچھ دیگر ماہرین نے اس تحقیق پر شکوک و شبہات کا اظہار کیا ہے۔ یونیورسٹی آف ڈینور کے پروفیسر لارنس کونیئرز نے کہا کہ ریڈار تکنیک کے ذریعے زمین میں اتنی گہرائی تک جانا ممکن نہیں ہے، اور یہ دعویٰ مبالغہ آرائی پر مبنی ہو سکتا ہے۔
