پشاور: نیب خیبر پختونخوا نے پشاور بی آر ٹی منصوبے میں مبینہ کرپشن کے معاملے میں سابق وزیر اعلیٰ پرویز خٹک اور شہاب علی شاہ کے خلاف کارروائی روک دی ہے۔ قومی احتساب بیورو کے ترجمان کے مطابق، ان دونوں کے خلاف کوئی ٹھوس شواہد نہیں ملے۔ نیب نے پشاور ڈیولپمنٹ اتھارٹی کو اس بارے میں ایک مراسلہ بھیج کر آگاہ کر دیا ہے۔
ترجمان نے یہ بھی بتایا کہ اس کیس میں سابق چیف سیکریٹری اور تین چینی کنٹریکٹرز سمیت دیگر افراد کے خلاف بھی کارروائی روک دی گئی ہے۔
بی آر ٹی منصوبہ پرویز خٹک کے دور حکومت میں شروع ہوا تھا، جبکہ شہاب علی شاہ اس وقت خیبر پختونخوا کے سیکریٹری منصوبہ بندی و ترقی کے عہدے پر تھے۔
