پاکستان کی معروف اداکارہ مہوش حیات نے رمضان المبارک کی بابرکت راتوں میں اپنی بہن افشاں حیات کے ساتھ عمرہ ادا کرکے مداحوں کے دل جیت لیے۔
اداکارہ نے اپنے روحانی سفر کی تصاویر اور ویڈیوز انسٹاگرام پر شیئر کیں، جو دیکھتے ہی دیکھتے وائرل ہوگئیں۔
یہ مہوش حیات کا اس سال کا ممکنہ طور پر دوسرا عمرہ ہے، کیونکہ 26 فروری کو بھی ان کی مکہ مکرمہ میں عبادت کرتی ایک ویڈیو سامنے آئی تھی۔
وائرل ویڈیوز میں مہوش اور ان کی بہن کو عمرے کے آخری لمحات میں خوشی اور روحانی سکون سے سرشار دیکھا جا سکتا ہے۔
اداکارہ نے اپنی پوسٹ میں لکھا:
"الحمدللہ! اللہ کے بے شمار فضل و کرم کا شکر ہے کہ مجھے اپنی بہن افشاں حیات کے ساتھ عمرہ ادا کرنے کی سعادت حاصل ہوئی۔ یہ سفر ہماری اللہ سے قربت کو مزید گہرا کرنے والا ثابت ہوا، جو سکون، غور و فکر اور شکر گزاری سے بھرا ہوا تھا۔ اللہ تعالیٰ ہمیں اپنی رحمت کے مزید قریب کر دے۔ آمین!"
مہوش حیات کی اس پوسٹ پر مداحوں اور شوبز شخصیات کی جانب سے مبارکباد کے پیغامات کا تانتا بندھ گیا۔ ان کے روحانی سفر کو خوب سراہا جا رہا ہے، اور مداح ان کے لیے نیک تمناؤں کا اظہار کر رہے ہیں۔
