پشاور میں مرغی اور سبزیوں کی قیمتوں میں بڑی کمی دیکھنے میں آئی، جبکہ لاہور میں نرخ مستحکم رہے۔ پشاور میں زندہ برائلر مرغی 570 روپے سے کم ہو کر 535 روپے فی کلو ہوگئی، جبکہ ٹماٹر 55 روپے سستا ہو کر 60 روپے فی کلو پر آگیا۔ لیموں 300 سے کم ہو کر 180 روپے فی کلو پر پہنچ گیا۔ دیگر اشیاء میں مٹر 120 روپے، کریلا 50، پیاز 60، آلو 60، لہسن 500 اور ادرک 400 روپے فی کلو فروخت ہو رہا ہے۔ لاہور میں زندہ برائلر مرغی کا تھوک ریٹ 397 روپے اور پرچون ریٹ 411 روپے فی کلو ہے، جبکہ برائلر گوشت 595 روپے فی کلو پر برقرار ہے۔ انڈے 264 روپے درجن فروخت ہو رہے ہیں۔ سبزیوں میں پیاز 45، آلو 50، ٹماٹر 55، اور سبز مرچ 100 روپے فی کلو دستیاب ہے۔ پھلوں میں ایرانی سیب 290 روپے، کالا کولو سیب 325 روپے، اور امرود 210 روپے فی کلو فروخت ہورہا ہے۔
