بالی وڈ کی اداکارہ شالینی پانڈے نے یہ بات بتائی ہے کہ اپنے کیریئر کے شروع میں انہیں ہراسانی کا سامنا کرنا پڑا۔
انہوں نے ایک ساؤتھ فلم کے دوران کا واقعہ سنایا، جب ایک ڈائریکٹر بغیر اجازت ان کی وین میں گھس آیا جبکہ وہ کپڑے تبدیل کر رہی تھیں۔
شالینی نے کہا کہ اس وقت وہ صرف 22 سال کی تھیں اور ان کے پاس زیادہ تجربہ نہیں تھا، لیکن انہوں نے فطری طور پر چیخ ماری۔
اداکارہ نے مزید کہا کہ بعد میں انہیں یہ احساس ہوا کہ ان کا ردعمل ان کی حفاظت کے لیے تھا، حالانکہ لوگ انہیں غصے والی سمجھنے لگے تھے۔
شالینی نے یہ بھی بتایا کہ اب وہ ایسے حالات کو بہتر طریقے سے سنبھالنا سیکھ چکی ہیں۔
