ادرک کو جہاں کھانوں میں ذائقے کے لیے استعمال کیا جاتا ہے، وہیں یہ قدرتی جڑ آپ کے بالوں کی خوبصورتی میں اضافے کا بھی بہترین ذریعہ بن سکتی ہے۔ ادرک میں پائے جانے والے اینٹی آکسیڈینٹس اور سوزش سے لڑنے والے عناصر بالوں کی نشوونما اور مجموعی صحت پر مثبت اثر ڈالتے ہیں۔
ادرک کے تیل کا استعمال کیسے کریں؟
-
بالوں کو لمبا کرنے کے لیے:
ادرک کا تیل اور کیسٹر آئل ملا کر سر کی جڑوں میں ہلکے ہاتھ سے مساج کریں۔ تیس منٹ بعد بالوں کو شیمپو سے دھو لیں۔ یہ امتزاج بالوں کی جڑوں کو مضبوط بناتا ہے اور ان کی افزائش میں مدد کرتا ہے۔ -
نرمی کے لیے:
ایک چمچ ادرک کا تیل اور دو چمچ ناریل کا تیل مکس کرکے سر پر لگائیں۔ کچھ دیر بعد نیم گرم پانی سے دھو لیں۔ یہ عمل بالوں کو نرم اور ملائم بناتا ہے۔ -
روکھے اور پتلے بالوں کے لیے:
ادرک کے تیل میں زیتون کا تیل شامل کرکے سر کی مالش کریں۔ یہ امتزاج بالوں کو غذائیت دیتا ہے اور ان کی صحت بہتر بناتا ہے۔ -
بالوں کے گرنے اور گنج پن کے لیے:
ادرک کے تیل میں روزمیری آئل شامل کریں اور باقاعدگی سے لگائیں۔ یہ مرکب نہ صرف بالوں کے گرنے کو روکتا ہے بلکہ نئے بالوں کی افزائش میں بھی مدد دیتا ہے۔
