سابق وزیرِ داخلہ شیخ رشید کا کہنا ہے کہ سندھ طاس معاہدے کو معطل کرنا بھارت کی آبی دہشت گردی ہے۔
ایک بیان میں شیخ رشید نے کہا کہ بھارت یکطرفہ معاہدہ معطل نہیں کر سکتا۔
انہوں نے کہا کہ کشمیر میں ظلم و ستم کو نظر انداز نہیں کیا جا سکتا۔
سابق وفاقی وزیر کا مزید کہنا ہے کہ پاکستان کی چپہ چپہ زمین کی حفاظت کرنا پاکستانی قوم خوب جانتی ہے، وقت آنے پر بھارت کو ترکی بہ ترکی جواب دیں گے۔
واضح رہے کہ بھارت نے پاکستان کے خلاف آبی جارحیت کرتے ہوئے سندھ طاس معاہدہ فوری معطل کرنے کا اعلان کر دیا ہے۔
