وفاقی وزیر منصوبہ بندی احسن اقبال نے ملکی سکیورٹی صورتحال کے پیش نظر دفاعی بجٹ میں اضافے کا اعلان کیا ہے۔
سیکریٹری جنرل انسٹی ٹیوشن آف انجینئرز پاکستان امیر ضمیر کی قیادت میں وفد سے ملاقات کے دوران انہوں نے کہا کہ آئی ایم ایف حکومت کے اقدامات سے مطمئن ہے اور بجٹ کے حوالے سے کوئی دباؤ نہیں۔
احسن اقبال نے کہا کہ حکومت قومی اتحاد اور یگانگت کو متاثر کیے بغیر عوام کو ریلیف فراہم کرے گی۔
انہوں نے دیامیر بھاشا ڈیم سمیت تمام آبی منصوبوں کو جلد مکمل کرنے اور ترجیحی بنیادوں پر فنڈز فراہم کرنے کا اعلان کیا تاکہ بھارت ان حالات سے فائدہ نہ اٹھا سکے۔
