پاکستان کے نامور اداکار عدنان صدیقی تُرکی روانہ ہو گئے۔
عدنان صدیقی نے اپنی روانگی کی تصویر سوشل میڈیا پر شیئر کی۔
سوشل میڈیا سائٹ انسٹاگرام پر عدنان صدیقی نے اپنی ایک سیلفی پوسٹ کی جس میں اداکار عالمی وبا سے خود کو محفوظ رکھنے کے لیے چہرے پر ماسک لگائے پرواز میں موجود ہیں۔
عدنان صدیقی نے انسٹاگرام پر شیئر کردہ اپنی تصویر کے کیپشن میں مداحوں کو بتایا کہ وہ تُرکی جارہے ہیں۔
عدنان صدیقی نے تُرکی کی پہچان رومی کا مزار، بلیو مسجد اور بکلاوا کا نام لیتے ہوئے لکھا کہ میں درویشوں کی سرزمین پر جا رہا ہوں۔
دوسری جانب اداکار نے مداحوں کو یہ بھی بتایا کہ وہ اپنے نئے پراجیکٹ کے شوٹ کے سلسلے میں تُرکی جارہے ہیں۔
اس سے قبل عدنان صدیقی نے اپنی بیٹیوں پر محبت نچھاور کرتے ہوئے بیٹیوں کے عالمی دن پر ان کے لیے محبت بھرا پیغام جاری کیا تھا۔
