معروف ٹک ٹاکر سامعہ حجاب نے حال ہی میں سوشل میڈیا پر وائرل ہونے والی نازیبا ویڈیوز کو جعلی قرار دیتے ہوئے ان سے لاتعلقی کا اظہار کیا ہے۔ ’رشتہ پکا، رشتہ پکا‘ ویڈیوز سے شہرت پانے والی سامعہ نے کہا کہ ان کا ان ویڈیوز سے کوئی تعلق نہیں، یہ سب ان کی شہرت کو نقصان پہنچانے کی سازش ہے۔
اپنے سوشل میڈیا پیغام میں سامعہ کا کہنا تھا کہ مذکورہ ویڈیوز مصنوعی ذہانت (AI) ٹیکنالوجی کی مدد سے تیار کی گئی ہیں۔ انہوں نے دعویٰ کیا کہ یہ سب ان کے سابقہ بوائے فرینڈ کی جانب سے کیا گیا ہے، جس نے مبینہ طور پر ان ویڈیوز کو ایڈٹ کر کے سوشل میڈیا پر وائرل کیا۔
سامعہ حجاب کے اس ردعمل کے بعد سوشل میڈیا پر پرائیویسی، کردار کشی اور آن لائن شخصیات کی سیکیورٹی پر نئی بحث چھڑ گئی ہے۔ صارفین کی ایک بڑی تعداد اب بھی ویڈیوز کو اصلی قرار دے رہی ہے جبکہ دیگر سامعہ کی حمایت کر رہے ہیں۔
