پاکستانی اداکار فیروز خان کو برطانوی پارلیمنٹ نے شوبز انڈسٹری میں ان کی شاندار خدمات کے اعتراف میں ایک ایوارڈ سے نوازا ہے۔
یہ اعزاز بیرونس پاؤلا الدین، ایم پی روپ حق، لارڈ کلدیپ سنگھ، اور کاروباری شخصیت منصور شفیق کی جانب سے پیش کیا گیا۔
فیروز خان نے اپنی اہلیہ ڈاکٹر زینب کے ساتھ اس تقریب میں شرکت کی اور ارکان پارلیمنٹ کا شکریہ ادا کرتے ہوئے کہا کہ فنون، ثقافت، اور تنوع کے کاموں کی قدر کرنا ان کے لیے بہت اہم ہے۔
اداکار نے اپنی خوشی کا اظہار سوشل میڈیا پر بھی کیا۔
