لکی مروت: لکی بیگو خیل روڈ ناکہ بندی پوائنٹ پر تعینات پولیس کانسٹیبل نامعلوم موٹر سائیکل سواروں کی فائرنگ سے جام شہادت نوش کرگیا۔
کانسٹیبل فلک ناز ناکہ بندی پوائنٹ پر ڈیوٹی دے رہا تھا کہ دو موٹر سائیکل سواروں نے عقب سے آکر فائرنگ کردی. جس سے وہ موقع پر شہید ہوگیا۔
واقعہ کی اطلاع ملتے ہی ڈی پی او لکی مروت معہ پولیس افسران اور بھاری نفری موقع پر پہنچ گئی، شہید پولیس اہلکار کی لاش پوسٹ مارٹم کے لئے گورنمنٹ سٹی ہسپتال منتقل کردی گئی جبکہ علاقے کو گھیرے میں لے کرملزموں کی گرفتاری کے لئے سرچ آپریشن شروع کردیا گیا ہے۔
