پشاور: خیبرپختون خوا حکومت نے یوٹرن لیتے ہوئے گاڑیوں کی خریداری پر عائد پابندی واپس لینے کا فیصلہ کیا ہے۔
خیبرپختونخوا کابینہ کا اجلاس کل رات طلب کرلیا گیا ہے، جو کہ کابینہ کا 27واں اجلاس ہوگا۔
کابینہ میں شامل 15 وزراء، 5 مشیر اور 12 معاون خصوصی کو دعوت نامے بھیج دیے گئے ہیں۔
ذرائع کے مطابق، خیبرپختونخوا حکومت نے گاڑیوں کی خریداری پر پابندی ہٹانے کا فیصلہ کیا ہے، جو کل کابینہ کے اجلاس میں ہوگا۔
اطلاعات کے مطابق، خیبرپختونخوا حکومت نے آسامیوں کی تخلیق پر بھی پابندی ہٹانے کا فیصلہ کیا ہے اور کراچی میں ہونے والے 35 ویں نیشنل گیمز کے لیے فنڈز کی منظوری بھی دی جائے گی
