نئی دہلی: بھارت میں الیکشن کمیشن کے اعدادوشمار کے مطابق آسام کے نومنتخب 126 رکنی اسمبلی میں 31 مسلم ایم ایل ایز بھی ہوں گے۔
بھارتی میڈیا کے مطابق آسام اسمبلی انتخابات 2021 میں کل 336 مسلم امیدواروں نے حصہ لیا تھا، جس میں سے 31 امیدواروں نے کامیابی حاصل کی ہے۔
آسام میں اسمبلی رکن کے طور پر منتخب ہونے والے زیادہ تر (15) مسلم اراکین اسمبلی آل انڈیا ڈیموکریٹک فرنٹ(اے آئی یو ڈی ایف)سے ہیں۔ اے آئی یو ڈی ایف نے کل 16 نشستوں پر کامیابی حاصل کی ہے۔
