اداکارہ منال خان اور احسن محسن اکرام کی شادی اب زیادہ دور نہیں، دونوں نے فالوورز کیلئے شادی کا دعوت نامہ شیئرکیا ہے۔
سفید اور فیروزی کنٹراسٹ میں اس کارڈ کے ٹائٹل پر دونوں کا نام درج ہے۔
انسٹاپر دونوں نے شادی کارڈ کی ایک ہی تصویر 2 الگ کیپشنز کے ساتھ شیئرکی، منال نے کیپشن میں لکھا ” آپ سب مدعو ہیں ”۔
جہاں منال نے اپنے 70لاکھ فالوورز کو مدعو کیا وہیں احسن نے کیپشن میں منال سے اظہارمحبت کرتے ہوئے لکھا ” میرا دل اب ہمیشہ کیلئے تُم سے جُڑا ہے”۔
احسن کے اس اظہارپرمنال نے بھی جواب میں لکھا ” ہمیشہ ہمیشہ کیلئے ببز ”۔
دونوں کی پوسٹس پر تبصرہ کرتے ہوئے شوبزساتھیوں نے مبارکباد کے ساتھ نیک خواہشات کا اظہار کیا۔
منال اور احسن کی بات 18 مئی کو پکی ہوئی تھی، یہ جوڑی تقریبا 2 سال سے ایک ساتھ دیکھی جارہی تھی اور رواں سال ویلنٹائنز ڈے کے موقع پردونوں نے انگوٹھی کا تبادلہ کرتے ہوئے اپنے تعلق کو واضح کیا تھا۔
یہ جوڑی سال 2017 میں ریلیز ہونے والے ڈرامہ سیریل پرپرچھائی میں ایک ساتھ کام کر چکی ہے۔
