معروف ٹک ٹاکرحریم شاہ نے حال ہی میں انسٹاگرام پر ایک تصویر شیئر کی تھی جس میں ایک مرد اور خاتون کا ہاتھ تھا جب کہ دیکھتے ہی دیکھتے یہ تصویر وائرل ہوئی اور تصویر میں موجود مردانے ہاتھ کو حریم کے شوہر کا ہاتھ سمجھا گیا لیکن اب اس حوالے سے حقیقت سامنے آگئی ہے۔
میڈیا رپورٹس کے مطابق حریم شاہ کے انسٹاگرام اکاؤنٹ پر شیئر ہونے والی تصویر سے متعلق کاروباری شخصیت حسن اقبال کا دعویٰ ہےکہ تصویر میں موجود ہاتھ ان کا ہے۔
رپورٹس کے مطابق حسن اقبال نے دعویٰ کیا ہے کہ وائرل تصویر میں موجودمردانہ ہاتھ میں بندھی گھڑی اور انگوٹھی سب ان کی ہے جب کہ تصویر میں موجود خاتون کا ہاتھ حریم کے بجائے ان کی دوست کا ہے۔
حسن اقبال نے اپنی مزید تصاویر بھی شیئر کیں جن میں وہ گھڑی اور انگوٹھی ان کے ہاتھ میں دیکھی جا سکتی ہے۔ انہوں نے کہا کہ وہ تصویر ضرور ان کی ہے مگر اس کا حریم شاہ سے کوئی تعلق نہیں۔ حسن اقبال نے کہا کہ یہ تصویر ان کی اجازت کے بغیر شیئر کی گئی ہے۔
حسن اقبال کا کہنا تھا کہ انہیں نہیں معلوم کہ حریم شاہ نے یہ تصویر کہاں سے اٹھائی،حریم خود اعتراف کرچکی ہیں اس تصویر کا اس کی شادی سے کوئی تعلق نہیں ہے۔
خیال رہے کہ حسن اقبال کو اس سے قبل حریم شاہ کے ساتھ مختلف ٹک ٹاک ویڈیوز میں بھی دیکھا جاچکا ہے۔
گزشتہ روز ٹک ٹاک اسٹار حریم شاہ نے سندھ کے ایک وزیر سے شادی کرنے کا دعویٰ کیا اور ان کا کہنا تھا کہ بہت جلد وہ ان کا نام بھی سامنے لے آئیں گی۔
حریم شاہ نے سوشل میڈیا پر دلہن کے لباس میں اپنی تصویراور مردانہ ہاتھ میں نسوانی ہاتھ کی تصویر شيئر کی تھی۔
