پشاور:پشاور میں ایک نوجوان اپنا بیل بی آرٹی اسٹیشن لے آیا۔
نوجوان اپنا بیل اسٹیشن میں رسی پکڑ کر گھماتا رہااور ضد کرتا رہا کہ اس نے اپنے بیل کیساتھ بی آرٹی میں سفر کرنا ہے اس نے بیل کیلئے ٹکٹ کا بھی تقاضا کیا۔
اس دلچسپ واقعہ کی ویڈیو بھی سوشل میڈیا پر وائرل ہوگئی ہے
تفصیلات کے مطابق گلبہار کے بی آر ٹی اسٹیشن میں ایک نوجوان قربانی کیلئے خریدا گیا بیل لے آیا اور اسٹیشن میں ضد کرنے لگا کہ اس نے اپنے بیل کو بی آرٹی بس میں سوار کرکے پشاور کی سیر کرانی ہے۔
اس دوران اس نے اپنے بیل کیلئے ٹکٹ کا بھی مطالبہ کیا۔
وائرل ویڈیومیں دیکھا جا سکتا ہے کہ وہ ٹکٹ کاؤنٹر کے قریب ہی کھڑا ہے۔
بی آرٹی ترجمان نے واقعہ سے متعلق کہا کہ نوجوان نے بیل کو بی آرٹی کا سفر کرانے کی کوئی ضد نہیں کی جبکہ سکیورٹی گارڈز نے اس نوجوان کو بیل سمیت اسٹیشن سے باہر نکال دیا۔
