برلن: سابق افغان وزیر اطلاعات سید احمد شاہ سعدات جرمنی میں پیزا بیچنے پر مجبور ہوگئے۔
کابل میں طالبان کے کنٹرول کے بعد وہاں ایک افراتفری کا عالم ہے، اور ہر کوئی ملک سے فرار ہونے کا خواہشمند ہے۔ لیکن اس سے ایک سال قبل ہی افغانستان کے وزیر اطلاعات سید احمد شاہ سعدات نے اپنے عہدے سے استعفیٰ دے دیا تھا۔ اس کے بعد وہ جرمنی میں مقیم ہوگئے تھے، جبکہ ان کے بارے میں زیادہ اطلاعات نہیں تھیں۔
تاہم اب غیر ملکی میڈیا نے رپورٹ کیا ہے کہ افغانستان کا یہ سابق وزیر جرمنی میں ڈلیوری بوائے بن گیا ہے اور وہاں پیزا ڈلیور کرنے کی نوکری کرکے گزر بسر کر رہا ہے۔
منظرِعام پر آنے والی ان کی تصاویر میں دیکھا جاسکتا ہے کہ وہ جرمنی کے شہر لیپزگ میں اپنی سائیکل پر پیزا ڈلیور کرنے کا کام کر رہے ہیں۔
