کاؤنٹر ٹیررازم ڈیپارٹمنٹ پنجاب نے انٹیلی جنس اطلاعات کی بنیاد پر چکوال میں کارروائی کرتے ہوئے مبینہ دہشت گرد کو گرفتار کرلیا،دہشت گرد کی نشاندہی پر بڑی تعداد میں اسلحہ اور بارودی مواد بھی برآمد ہوا۔
سی ٹی ڈی حکام کے مطابق دہشت گرد کا نام ارقم عزیز اور اس کا تعلق کالعدم تنظیم سے ہے، تفتیش کے دوران دہشت گرد کی نشاندہی پر بڑی تعداد میں اسلحہ اور بارودی مواد برآمد ہوا، جس میں 14 رائفلز، مشین گنز، گرنیڈ لاؤنچر، راکٹ لاؤنچر، گولیاں ، بال بیرنگ اور دیگر مواد شامل ہے۔
دہشت گرد حساس تنصیبات اور ہائی پروفائل اہداف کو نشانہ بنانا چاہتے تھے، دہشت گرد تفتیش کے لیے نامعلوم مقام پر منتقل کردیا گیا ہے جہاں اس سے مزید تفتیش کی جارہی ہے۔
