باجوڑ: ضلع باجوڑ میں دہشت گردوں کے حملے میں 2 سکیورٹی اہلکار اور 3شہری شہید ہوگئے، سیکورٹی فورسز کی جوابی کاروائی میں 4 دہشت گردمارے گئے۔
پاک فوج کے شعبہ تعلقات عامہ آئی ایس پی آر کے مطابق باجوڑ میں دہشت گردوں کی جانب سے سیکورٹی فورسز پر حملہ کیا گیا۔اس حملے کے دوران شدید فائرنگ کا تبادلہ ہوا۔
فائرنگ کے تبادلے میں 2 سکیورٹی جوان جام شہادت نوش کر گئے، جبکہ دہشت گردوں کی فائرنگ کی زد میں آنے کی وجہ سے 3 شہری بھی شہید ہوئے۔
سیکورٹی فورسز کی جوابی کاروائی میں 4 دہشت گردوں کو جہنم واصل کر دیا گیاجبکہ دہشت گردوں کی ہلاکت کے بعد بھاری اسلحہ و بارود بھی برآمد ہوا۔
