پشاور: خیبر پختون خوا کے شہر دیر میں بارودی ڈیوائس کے دھماکے میں 2 جوان شہید ہو گئے۔
آئی ایس پی آر کے مطابق دیر کے علاقے براول میں بارودی ڈیوائس کا دھماکا ہوا ہے، جس میں پاک فوج کے دو جوان شہید ہو گئے۔
شہید سپاہی ساجد علی کا تعلق کوٹلی آزاد کشمیر سے ہے، جب کہ سپاہی عدنان ممتاز کا تعلق پونچھ آزاد کشمیر سے ہے۔
آئی ایس پی آر کا کہنا ہے کہ علاقے میں دہشت گردوں کے خلاف کلیئرنس آپریشن جاری ہے، پاک افواج دہشت گردی کے خاتمے کے لیے پُر عزم ہیں۔
