نصیر آباد:بلوچستان کے ضلع نصیر آباد میں کاؤنٹر ٹیررازم ڈیپارٹمنٹ (سی ٹی ڈی) کی گاڑی پر فائرنگ کے نتیجے میں ہونے والے مقابلے میں 4 دہشتگرد ہلاک ہو گئے۔
ذرائع کے مطابق نصیر آباد میں نوتال قومی شاہراہ پر سی ٹی ڈی کی گاڑی پر فائرنگ کی گئی، دہشتگردوں کی فائرنگ سے اے ایس آئی سمیت 2 اہلکار شدید زخمی ہو گئے، زخمی پولیس اہلکاروں کو طبی امداد کے لیے ہسپتال منتقل کر دیا گیا۔
سی ٹی ڈی ذرائع کے مطابق پولیس کی جوابی کارروائی میں 4 مبینہ دہشتگرد ہلاک ہو گئے۔ذرائع نے بتایا کہ ہلاک دہشتگردوں کے قبضے سے 3 دستی بم، ریموٹ کنٹرول ڈیوائس،کلاشنکوف اور بارودی مواد بھی برآمد ہوا۔
