بھارتی میڈیا میں آج کل بالی ووڈ اداکارہ سارہ علی خان کی کرکٹر شبمن گل سے بڑھتی قربتوں کے چرچے ہیں۔
کئی دہائیوں سے بالی ووڈ اور کرکٹ کے درمیان بڑا گہرا رشتہ ہے، کئی اداکاراؤں نے بھارتی کرکٹرز سے شادیاں کیں اور کئی کی گہری دوستیاں اور تعلقات ہیں۔
دور حاضر میں ویرات کوہلی کی انوشکا شرما سے شادی، کے ایل راہول کی اتھیا شیٹی سے گہرے تعلقات کے بعد اب سارہ علی خان کی کرکٹر شبمن گل کے ساتھ ملاقاتوں کی خبریں گرم ہیں، دونوں کو اکثر ایک ساتھ دیکھا جاتا ہے۔
شبمن گل نے ایک شو میں سارہ علی خان کے ساتھ اپنے تعلق کے بارے میں بات کی ہے۔
شو کے دوران شبمن سے پوچھا گیا کہ ’بالی ووڈ کی سب سے فٹ اداکارہ کون ہے؟‘ شبمن نے فوراً سارہ کا نام لیا۔
اس کے بعد شبمن سے سارہ کے ساتھ تعلقات کے بارے پوچھا کہ کیا وہ سارہ سے ملاقاتیں کرتے ہیں، جس پر شبمن نے کہا کہ شاید،’’سارہ کا سارا سچ بتا دیا ہے۔ شاید ہاں شاید نہیں‘’۔
شبمن سے پہلے سارہ علی خان کے اداکار کارتک آریان سے گہرے تعلقات رہ چکے ہیں۔
دوسری جانب شبمن کا نام سچن ٹنڈولکر کی بیٹی سارہ ٹنڈولکر کے ساتھ جوڑا گیا ہے۔ تاہم، دونوں کو کبھی بھی عوامی سطح پر ایک ساتھ نہیں دیکھا گیا۔
