بالی وڈ اداکار کارتک آریان کے ہمراہ پاکستانی اسٹارز کی تصاویر سوشل میڈیا کی زینت بنی ہوئی ہیں۔
گزشتہ شب قطر میں فٹبال ورلڈکپ 2022 کے فائنل میں ارجنٹینا نے فرانس کو شکست دے کر تیسری بار ورلڈکپ جیتا۔
یہ شاندار مقابلہ دیکھنے کے لیے دنیا بھر سے بڑے بڑے اسٹارز اور اہم شخصیات آئیں جن میں ترک ایوان صدر کے مطابق صدر رجب طیب اردوان، فرانسیسی صدر ایمانوئیل میکرون، ٹوئٹر کے سربراہ ایلون مسک، امیر قطر شیخ تمیم بن حمد الثانی اور وزیر صلاح بن غنیم بھی اسٹیڈیم میں موجود تھے۔
اس کے علاوہ بالی وڈ اداکارہ دیپیکا پڈوکون، رنویر سنگھ اور کارتک آریان بھی فیفا ورلڈ کپ کا فائنل دیکھنے پہنچے۔
پاکستان سے اداکارہ مہوش حیات، سجل علی، اداکارہ ہمایوں سعید بھی اسٹیڈیم میں موجود تھے جب کہ ٹی وی میزبان حسن چوہدری کی بھی تصویریں اور ویڈیوز سامنے آئیں۔
مہوش حیات نے کارتک آریان کے ساتھ ویڈیو بنائی جسے انہوں نے انسٹاگرام اسٹوری پر شیئر کیا۔
ویڈیو میں اداکارہ نے کارتک سے سوال کیا کہ 'آج کی رات فائنل کون جیتے گا'، جواب میں کارتک نے تھوڑا سوچا اور پھر جواب دیا 'ارجنٹینا'۔
کچھ دیگر تصاویر دیکھیں:
