سینیگال:افریقی ملک سینیگال میں 2 مسافربسوں کے درمیان تصادم کے نتیجے میں 30 سے زائد افراد ہلاک ہوگئے۔
بین الاقوامی خبر ایجنسی کے مطابق براعظم افریقا کے ملک سینیگال کے شہر کافرین کے قریب مرکزی شاہراہ پر اتوار کی علی الصبح 2 مسافر بسیں آپس میں ٹکرا گئیں۔ س
ینیگال میں ریسکیو آپریشن کے نگران سرکاری ادارے نیشنل فائر بریگیڈ کے سربراہ کرنل شیخ فال نے بتایا کہ بسوں میں مجموعی طور پر 125 مسافر سوار تھے جن میں سے 38 موقع پر ہی ہلاک جبکہ87 زخمی ہوئے۔
لاشوں اور زخمیوں کو کافرین کے ہسپتال منتقل کردیا گیا ہے، زخمیوں میں سے کئی کی حالت تشویشناک بتائی جارہی ہے۔
کرنل شیخ فال نے مزید بتایا کہ جائے وقوعہ سے تصادم کا شکار ہونے والی بسوں کو ہٹا کر سڑک ٹریفک کے لئے بحال کردی گئی ہے۔
سینیگال میں ڈرائیوروں کی بے نظمی، خراب سڑکوں اور خستہ حال گاڑیوں کی وجہ سے حادثات معمول ہیں۔
