پی ایس ایل اور لاہور قلندر

پاکستان سپر لیگ 2023ء کے اہم میچ میں گزشتہ روز لاہور قلندرز نے تباہ کن باؤلنگ کے باعث اسلام آباد یونائیٹڈ کو 110 رنز سے ہرا دیا ہے۔اسلام آباد یونائٹیڈ کی ٹیم 201 رنز کے ہدف کے تعاقب میں صرف 90 رنز پر ہی ڈھیر ہو گئی۔حالانکہ اس ٹیم میں اعظم خان اور آصف علی جیسے کھلاڑی ہیں جو جارحانہ بیٹنگ کیلئے مشہور ہیں۔قذافی سٹیڈیم لاہور میں کھیلے گئے میچ میں لاہور قلندرز نے ٹاس جیت کر پہلے بیٹنگ کا فیصلہ کیا اور مقررہ 20 اوررز میں سات وکٹوں کے نقصان پر 200 رنز بنائے۔جس کے جواب میں اسلام آباد یونائیٹڈ کے کولن منرو اور رحمن اللہ گرباز نے بھی جارحانہ آغاز کیا تاہم ان کی شراکت 41 رنز پر اس وقت ختم ہوئی جب قلندرز کے زمان خان نے رحمن اللہ گرباز کو 23 رنز پر آؤٹ کر دیا۔ فخر زمان نے ان کا شاندار کیچ پکڑا۔ رحمن اللہ گرباز نے 17 گیندوں پر دو چوکوں اور ایک چھکے کی مدد سے 23 رنز بنائے۔اس کے بعد اسلام آباد یونائٹیڈ کا کوئی بھی کھلاڑی جم کر نہ کھیل سکا۔ کولن منرو نے ریسی وین ڈیر ڈوسن کے ساتھ مل کر ٹیم کا مجموعی سکور 50 تک پہنچایا اور وہ ڈیوڈ وائز کی گیند پر آؤٹ ہوئے۔اس کے بعد ڈوسن بھی زیادہ دیر وکٹ پر نہیں ٹھہر پائے اور حارث رؤف کا شکار ہو گئے۔اسلام آباد یونائیٹڈ کے کپتان شاداب خان اور گذشتہ میچوں میں جاریانہ اور تیز کھیل کا مظاہرہ کرنے والے اعظم خان بھی آج ناکام ہوئے اور جلد ہی پویلین لوٹ گئے، ان دونوں بلے بازوں کو بھی ڈیوڈ وائز نے ہی آؤٹ کیا۔آصف علی آؤٹ ہونیوالے پانچویں بلے باز تھے، جنھوں نے صرف تین رنز بنائے۔اعظم خان نے سات گیندوں کا سامنا کیا اور چار رنز بنا کر 68رنز پر آؤٹ ہوئے۔ٹام کیوران 10رنز بنا سکے لیکن راشد خان نے 81 کے مجموعی سکور پر ان کی وکٹیں اڑا دیں۔فہیم اشرف نے چار رنز بنائے لیکن ٹیم کو ایک بڑی شکست سے بچانے میں ناکام رہے۔اس کے بعد میچ کا سب سے اہم اور دلچسپ اوور شروع ہوا جن نے محض تین گیندوں پر ہی اسلام آباد یونائٹیڈ کی بیٹنگ لائن اپ کو سمیٹ کر رکھ دیا۔حسن علی میچ کے تیرھویں اوور میں 90 کے مجموعی سکور پر رن آؤٹ ہوئے تو لاہور قلندرز کے سکندر رضا نے یونائیٹڈ کی آخری دو وکٹیں 90 کے سکور پر ہی گر ادیں۔    لاہور قلندر کی بیٹنگ شاندار رہی اور جہاں آزمودہ کار بیٹسمینوں نے اچھی کارکردگی دکھائی وہاں آل راؤنڈز نے بھی اپنا حصہ ڈالتے ہوئے سکور کو199تک پہنچایا‘ راشد خان آخری اوور کے اختتام سے ایک گیند قبل آؤٹ ہوگئے۔لاہور قلندر نے اسلام آباد یونائیڈ کو ایک مناسب ٹارگٹ دیا۔اسلام آباد یونائیٹڈ کی جانب سے سیم کیوران نے سب سے زیادہ 3 وکٹیں حاصل کیں، کپتان شاداب خان نے دو کھلاڑیوں کو آؤٹ کیا۔قلندرز نے اس جیت کے ساتھ ہی بہترین رن ریٹ کی بنیاد پر پوائنٹس ٹیبل پر ملتان سلطانز کو پیچھے چھوڑ دیا اور پہلی پوزیشن حاصل کرلی۔لاہور قلندرز کی شاندار اور بڑے مارجن سے فتح کے بعد سوشل میڈیا صارف بھی جہاں ایک طرف اس کی پرفارمنس پر خوش تھے تو وہیں اسلام آباد یونائٹیڈ کی خراب کارکردگی پر بات کر رہے تھے۔کوئی ڈیوڈ وائز کو میچ کا ہیرو قرار دے رہا تھا تو کوئی ٹیم کے پرفارمنس پر حیران دکھائی د ے رہاتھا‘ایک صارف نے لاہور قلندرز کے رانا فواد کی تصویر والی میم شیئر کرتے ہوئے لکھا کہ یہ میری ٹیم ہی ہے نا۔ ایک اور صارف نے لاہور قلندرز کی پرفارمنس پر پوائنٹس ٹیبل کی تصاویر شیئر کرتے ہوئے لکھا ایک لمحے میں سب سے نیچے ہوتے ہیں اور دوسرے لمحے میں ……لاہور قلندرز کی کرکٹ اپنی بہترین فارم میں ہے۔جبکہ ایک صارف نے لکھا کہ آپ چاہے ان سے نفرت کریں یا محبت لیکن پی ایس ایل لاہور قلندرز کے بغیر نامکمل ہے۔