عالمی مارکیٹ میں مسلسل دوسرے کاروباری روز قیمتیں کم ہونے کے بعد ملک بھر میں سونے کی قیمت میں دوبارہ بڑا اضافہ دیکھا گیا۔
تفصیلات کے مطابق بین الاقوامی مارکیٹ میں فی اونس سونے کی قیمت میں ایک امریکی ڈالر کی گراوٹ دیکھی گئی اور نئی قیمت 2001 امریکی کرنسی ہو گئی ہے۔
عالمی مارکیٹ میں قیمتیں کم ہونے کے باوجود ملکی صرافہ مارکیٹوں لاہور، کراچی، اسلام آباد، پشاور، کوئٹہ، حیدر آباد، سکھر، گوجرانوالا، فیصل آباد، راولپنڈی سمیت دیگر جگہوں پر فی تولہ سونے کی قیمت میں 600 روپے کا اضافہ دیکھا گیا اور نئی قیمت دو لاکھ 18 ہزار 300 روپے ہو گئی ہے۔
فی تولہ سونے کی طرح دس گرام سونے کی قدر میں بھی 514 روپے کی بڑھوتری دیکھی گئی اور نئی قیمت 1 لاکھ 87 ہزار 157 روپے ہو گئی ہے۔
دوسری طرف سونے کی طرح فی تولہ اور دس گرام چاندی کی قیمتوں میں بھی 40 روپے اور 34.30 روپے کی بڑھوتری دیکھی گئی اور نئی قیمتیں بالترتیب 2520 روپے اور 2160.50 روپے کی سطح پر پہنچ گئی ہیں۔
