پنجاب حکومت نے عید الفطر تک چینی 95 روپے فی کلو فروخت کرنے کا اعلان کردیا۔
نوٹیفکیشن کے مطابق سستی چینی کی تقسیم آبادی کی بنیاد پر ہوگی، پنجاب کی 11 کروڑ آبادی کے لئے 20 ہزار میٹرک ٹن سستی چینی مخصوص سیلز پوائنٹس پر عوام کو فروخت کی جائے گی۔
چینی کا سب سے زیادہ کوٹہ لاہور کو 2023 میٹرک ٹن دیا جائے گا، فیصل آباد کو 1431 اور گوجرانوالہ کو 912 میٹرک ٹن کوٹہ دیا جائے گا۔
سیالکوٹ کے لئے 708، قصور کے لئے 628 اور ملتان کے لئے 863 میٹرک ٹن کوٹہ مختص کیا گیا ہے۔
اس کے علاوہ راولپنڈی کو 983، ساہیوال کو 458 اور سرگودھا کو 673 میٹرک ٹن کوٹہ دیا جائے گا۔
سستی چینی کی فروخت کا فیصلہ وفاقی وزیرخوراک طارق بشیر چیمہ اور شوگر ملز ایسوسی ایشن کے اجلاس میں کیا گیا۔
یوٹیلیٹی اسٹور پر چینی کی قیمت 91 روپے فی کلو گرام ہے۔
