آئل کمپنیز ایڈوائزری کونسل کے مطابق اگست کے مقابلے ستمبر میں پیٹرولیم مصنوعات کی فروخت 25 فیصد کم ہوئی ہے اور ستمبر کے دوران صرف 10 لاکھ ٹن پیٹرولیم مصنوعات فروخت ہوئیں۔
اعداد و شمار کے مطابق بجلی پیدا کرنے والے فرنس آئل کی فروخت میں 61 فیصد کمی ہوئی۔ماہرین کا کہنا ہے کہ کورونا وباء کے بعد پیٹرولیم مصنوعات کی یہ کم ترین فروخت ہے۔ملک میں پیٹرولیم مصنوعات کی بلند قیمتوں کا اس کی فروخت پر اثر پڑنے لگا۔
واضح رہے کہ حکومت نے یکم اکتوبر سے پیٹرولیم مصنوعات کی قیمتوں میں 11 روپے تک کمی کی ہے تاہم اس سے قبل 15 ستمبر کو پیٹرول کی قیمت میں ریکارڈ 26 روپے تک اضافہ کیاگیا تھا جس سے پیٹرول 332 روپے تک جا پہنچا تھا۔
ملک میں ان دنوں 15 اکتوبر تک پیٹرول کی قیمت 323 روپے38 پیسے فی لیٹر ہے۔
