کراچی: انٹر بینک میں ڈالر کا بھائو مزید ایک روپیہ کم ہو گیا جبکہ پاکستان اسٹاک ایکسچینج میں بھی کاروبار کا مثبت رجحان دیکھا جا رہا ہے۔
کاروباری ہفتے کے آخری روز انٹر بینک میں ڈالر کا بھائو ایک روپیہ کم ہو کر 282 روپے 62 پیسے ہے جو گزشتہ کاروباری روز کے اختتام پر 283 روپے 62 پیسے کا تھا۔
اوپن مارکیٹ میں بھی ڈالر کا بھا ئو2 روپے سستا ہو کر 282 روپے کا ہے۔
اسٹاک ایکسچینج میں کاروبار کا مسلسل چوتھا مثبت دن، 100 انڈیکس میں 372 پوائنٹس کا اضافہ رہا، جبکہ روپیہ مزید تگڑا، ڈالر 6 ماہ کی کم ترین سطح پر آگیا۔
ادھر پاکستان اسٹاک ایکسچینج میں بھی کاروبار کا مثبت رجحان دیکھا جا رہا ہے اور 100 انڈیکس 92 پوائنٹس اضافے سے 47544 پر ٹریڈ کر رہا ہے۔
خیال رہے کہ پاکستانی روپے کے مقابلے میں امریکی ڈالر اپنی بلند ترین سطح سے 24 روپے 48 پیسے کم ہو چکا ہے۔
