پاکستان تحریک انصاف (پی ٹی آئی) نے پشاور میں ورکرز کنونشن منعقد کرنے کا اعلان کردیا۔
کنونشن کی اجازت کیلئے پی ٹی آئی کی جانب سے ڈپٹی کمشنر کو خط لکھا گیا ہے۔
ڈپٹی کمشنر کو لکھے گئے خط میں مؤقف اپنایا گیا ہے کہ عام انتخابات کا اعلان ہوچکا ہے جس کے لئے آگاہی مہم ضروری ہے۔
درخواست میں کہا گیا کہ پی ٹی آئی ضلع پشاور کو تین مقامات پر 14 اکتوبر کو ورکرز کنونشن کی اجازت دی جائے۔
درخواست پی ٹی آئی ضلع پشاور کے صدر ارباب شیر علی اور جنرل سیکرٹری عاصم خان کے دستخط سے ارسال کی گئی۔
