اسلامیہ کالج پشاور کے ہاسٹل میں طالب علم کی مبینہ خودکشی کا افسوسناک واقعہ پیش آیا ہے۔
تفصیلات کے مطابق مبشرعلی نامی طالب علم نے اسلامیہ کالج پشاور کے ہاسٹل میں مبینہ طور خودکشی کرلی۔ کالج انتظامیہ کا کہنا ہے کہ مبشر کی طبیعت نشہ آور چیز کھانے سے خراب ہوگئی۔
طبیعت بگڑنے پر طالبعلم کو اسپتال پہنچایا گیا۔ معدے کی صفائی کر کے مبشر علی کو بچانے کی کوشش کی گئی۔
کالج انتظامیہ کا اپنے موقف میں مزید یہ کہنا تھا کہ اسپتال میں دوران علاج طالب علم مبشر جانبرنہ ہوسکا۔
واضح رہے کہ اسلامیہ کالج اینڈ یونیورسٹی میں اس سے قبل پروفیسر کو قتل کرنے کی ویڈیو بھی منظرعام پر آچکی ہے، جس میں پروفیسراور چوکیدار نے ایک دوسرے پر فائرنگ کی تھی۔
اسلامیہ کالج یونیورسٹی میں چوکیدار اور پروفیسرکے درمیان تلخ کلامی ہوئی تھی، جس کے بعد چوکیدار کی فائرنگ سے پروفیسر بشیراحمد جاں بحق ہو گئے تھے۔
