انڈر 19 ایشیا کپ کے پہلے سیمی فائنل میں متحدہ عرب امارات( یو اے ای) نے شاندار کھیل کا مظاہرہ کرتے ہوئے پاکستان کو 11 نز سے شکست دے کر فائنل کے لیے کوالیفائی کرلیا۔
دبئی میں جاری انڈر 19 ایشیا کپ میں پاکستان نے ٹاس جیت کر یو اے ای کو پہلے بیٹنگ کی دعوت دی۔
پاکستان کے خلاف پہلے بیٹنگ کرتے ہوئے یو اے ای کی پوری ٹیم 47.5 اوورز میں 193 رنز پر آؤٹ ہوگئی۔
یو اے ای کی جانب سے آیان افضل 55 اور آریانش شرما 46 رنز بناکر نمایاں رہے۔
گرین شرٹس کے عبید شاہ نے شانداربولنگ کا مظاہرہ کرتے ہوئے 4 کھلاڑیوں کو آؤٹ کیا جبکہ علی اسفند اور عرفات منہاس نے2،2 وکٹیں لیں۔
194 رنز کے ہدف کے تعاقب میں پاکستان انڈر 19 ٹیم اچھا کھیل پیش نہ کرسکی اور بیٹرز لمبی اننگز کھیلتے ہوئے اپنی ٹیم کو جیت دلوانے میں ناکام رہے۔
ہدف کا تعاقب کرتے ہوئے یو اے ای کے خلاف پاکستان کی پوری ٹیم آخری اوور میں 182 رنز پر آل آؤٹ ہوگئی۔
یوں 11 رنز سے میچ جیت کریو اے ای ایشیا کپ انڈر 19کے فائنل میں پہنچ گیا۔
