مظفر گڑھ میں روایتی سیاستدانوں کی کارکردگی سے مایوس ہو کر ایک چائے فروش بھی عام انتخابات 2024 میں حصہ لینے کے لیے تیار ہوگیا۔
چائے ہوٹل کے مالک ملک اشفاق بھٹی نے پنجاب اسمبلی کی نشست پی پی 268 مظفر گڑھ سے کاغذات نامزدگی حاصل کرلیے۔
ملک اشفاق بھٹی نے کہا کہ ہمارا سیاستدانوں اور سیاسی جماعتوں پر سے اعتماد اٹھ گیا ہے، یہ لوگ آکر وعدے کرتے ہیں اور پھر چلے جاتے ہیں۔
چائے فروش کا کہنا تھا کہ عوام نے ساتھ دینے کا وعدہ کیا ہے، اگر الیکشن میں جیت گیا تو سب سے پہلے اپنے علاقے میں یونیورسٹی قائم اور سڑکیں پکی کریں گے جب کہ غریبوں کے ساتھ تعاون بھی کیا جائے گا۔
واضح رہے کہ الیکشن کمیشن آف پاکستان نے 8 فروری 2024 کو ہونے والے عام انتخابات کے لیے کاغذات نامزدگی وصول اور جمع کرانے کی تاریخ میں دو روز کی توسیع کردی۔
