خیبرپختونخوا کے ضلع باجوڑ کے علاقے برنگ کمال درہ میں لڑکی کے ظالمانہ قتل اور لاش غائب کیے جانے کے خلاف سئیبدین قوم کا احتجاج جاری ہے۔
یوتھ چیئرمین حسن خان کا کہنا ہے کہ ایف آئی آر درج کروانے کے کئی دن گزرنے کے باوجود مقتولہ لڑکی کی لاش نہ مل سکی۔
حسن خان کا کہنا ہے کہ لڑکی کے والدین نے برنگ تھانہ میں ایف آئی آر درج کرائی ہے، لیکن پولیس کوئی کارروائی نہیں کر رہی۔
مظاہرین نے مطالبہ کیا کہ لڑکی کی لاش جلد از جلد بازیاب کرکے ان کے والدین کے حوالے کی جائے اور قاتلوں کو کیفر کردار تک پہنچایا جائے۔
مظاہرین کا کہنا تھا کہ ہمارے اس مطالبے پر بروقت کارروائی نہیں ہوئی تو ہمارا دھرنا جاری رہے گا۔
