پنجاب ٹرانسپورٹ کمپنی نے شہر میں آلودگی کے خاتمے کے لئے الیکٹرک بسیں چلانے کا فیصلہ کرلیا۔
لاہوریوں کے لئے الیکٹرک بسیں بطور پائلٹ پراجیکٹ چلائی جائیں گی،پنجاب ٹرانسپورٹ کمپنی نے پری کوالیفیکیشن بین الاقوامی بولی کا اعلان کر دیا ہے۔
ملکی و غیر ملکی کمپنیز سے ٹینڈر کی کوٹیشنز مانگ لی گئیں،ورلڈ بنک کی 3.5ارب کی رقم سے 27 بسیں مختلف روٹس پر چلائی جائیں گی۔
سی ای او فائق احمد کا کہنا تھا کہ 4سے 5 ماہ میں بڈرز کا فیصلہ کر لیا جائے گا،رواں سال ہی شہری سستی اور ماحول دوست بسوں سے مستفید ہو سکیں گے۔
ذرائع کے مطابق الیکٹرک بسیں چل جانے سے خزانے کو 300روپے فی کلومیٹر کا فائدہ ہو گا۔
