ایچ بی ایل پاکستان سپر لیگ( پی ایس ایل) سیزن 9 کے پہلے ایلیمنیٹر میں اسلام آباد یونائیٹڈ نے کوئٹہ گلیڈی ایٹرز کو جیت کیلئے 175 رنز کا ہدف دے دیا۔
کراچی میں کھیلے جارہے ناک آؤٹ میچ میں اسلام آباد یونائیٹڈ کے کپتان شاداب خان نےکوئٹہ گلیڈی ایٹرز کے خلاف ٹاس جیت کر بیٹنگ کا انتخاب کیا ۔
اسلام آباد یونائیٹڈ کی جانب سے ٹیم میں 2 تبدیلیاں کی گئی ہیں جبکہ کوئٹہ کی ٹیم میں کوئی تبدیلی نہیں۔
اسلام آباد یونائیٹڈ کی اننگز
کوئٹہ گلیڈی ایٹرز کے خلاف اسلام آباد یونائیٹڈ نے مقررہ 20 اوورز میں 9 وکٹوں کے نقصان پر 174 رنز بنائے۔
مارٹن گپٹل 56 اور آغا سلمان 31 رنز بناکر نمایاں رہے، ایلکس ہیلز ، شاداب خان 23، 23 اور اعظم خان نے 18 رنز بنائے جبکہ فہیم اشرف اور حیدر علی نے ایک ایک رن بنایا۔
واضح رہے کہ ملتان سلطانز گزشتہ روز ایچ بی ایل پی ایس ایل 9 کے فائنل میں پہنچ گئی تھی، دوسری فائنلسٹ ٹیم کا فیصلہ کل ہو گا جبکہ آج کا میچ ہارنے والی ٹیم کا ٹورنامنٹ میں سفر ختم ہوجائے گا۔
کل پہلے ایلیمنیٹر کی فاتح ٹیم کوالیفائر میں ملتان سلطانز سے شکست کھانے والی پشاور زلمی سے ایلیمنیٹر 2 مقابلے کرے گی۔
یہ میچ جیت والی ٹیم 18 مارچ کو پاکستان سپر لیگ کے فائنل میں ملتان سلطانز کے خلاف کھیلے گی ۔
