ایکس (ٹوئٹر) نے خاموشی سے تمام صارفین کے اکاؤنٹس کی سیٹنگز میں ایسی تبدیلی کی ہے جس کے ذریعے وہ اپنے آرٹی فیشل انٹیلی جنس (اے آئی) ٹیکنالوجی پر مبنی چیٹ بوٹ گروک کو آپ کے ڈیٹا اور تفصیلات پر ٹریننگ دے سکے۔
جی ہاں واقعی ایکس نے ایسی سیٹنگ کا اضافہ کیا ہے جس سے آپ کی پوسٹس اور دیگر ڈیٹا کو گروک کو بہتر بنانے کے لیے استعمال کیا جاسکے گا۔
یہ سیٹنگ بائی ڈیفالٹ ان ایبل کی گئی ہے اور اس میں واضح طور پر لکھا ہے کہ صارفین کا ڈیٹا گروک تیار کرنے والی کمپنی ایکس اے آئی سے شیئر کیا جا سکتا ہے۔
مگر اچھی بات یہ ہے کہ آپ ایکس کو اپنا ڈیٹا اے آئی چیٹ بوٹ سے شیئر کرنے سے روک سکتے ہیں۔
اس کے لیے آپ کو نئی سیٹنگ کو ڈس ایبل کرنا ہوگا۔
ایک رپورٹ کے مطابق ویسے تو ایکس کی موبائل ایپ پر اس سیٹنگ کو ڈس ایبل کرنا ممکن نہیں مگر آپ ویب ورژن پر ایسا کرسکتے ہیں۔
اس کے لیے ویب ورژن میں ایکس کو اوپن کرکے بائیں جانب موجود سائیڈ پینل میں سیٹنگز اینڈ پرائیویسی پیج پر جائیں۔
وہاں جاکر پرائیویسی اینڈ سیفٹی سیکشن پر کلک کریں۔
وہاں نیچے اسکرول کرکے گروک پر کلک کریں۔
وہاں ایک بلیو باکس ہوگا، اسے ان چیک (uncheck) کرکے سیٹنگ کو ڈس ایبل کر دیں۔
وہاں آپ گروک کے ساتھ چیٹ کی ہسٹری بھی ڈیلیٹ کر سکتے ہیں، جس کے لیے Delete conversation history نامی آپشن موجود ہے۔
