خیبرپختونخوا میں بھتہ خوروں کے ساتھ بھتہ دینے والوں کے خلاف نئی حکمت عملی طے کرلی گئی ، بھتہ خوروں کے بعد بھتہ دینے والوں کےخلاف بھی کارروائی کا فیصلہ کیا گیا ہے ۔
ذرائع کے مطابق بڑی تعداد میں کنٹریکٹرز، مائنزلیز ہولڈرز اور کاروباری شخصیات سے متعلق بھتہ دینے کی اطلاع ہے ، بھتہ دینے والوں کا ڈیٹا مرتب کرکے سی ٹی ڈی کے ذریعے جامع کارروائی کی جائے۔
ذرائع محکمہ داخلہ کاکہنا ہے کہ بھتہ خوروں کی سرحد پار سے کالز اور پوائنٹ آف کنٹیکٹ کو ٹریس کرنے کا فیصلہ کیاگیا ہے ، پوائنٹ آف کنٹیکٹ ٹریس کرنے کےلئے وفاق سے تیسری بار رابطے کا بھی فیصلہ کیاگیا۔
ذرائع کے مطابق پنجاب میں سی ٹی ڈی کو کال ٹریس اور پوائنٹ آف کنٹیکٹ تک رسائی حاصل ہے، فیصلوں کے باوجود وفاق نے بھتہ خوری کی روک تھام کےلئے ٹاسک فورس تشکیل نہیں دی۔
