خیبرپختونخوا حکومت نے ٹیکس چوری اور فراڈ میں ملوث افراد کی اطلاع یا نشاندہی کرنے والوں کو انعام دینے کا اعلان کردیا۔
وزیر اعلیٰ خیبر پختونخوا کے مشیر برائے خزانہ مزمل اسلم نے خیبر پختونخوا ریونیو اتھارٹی کے ہیڈ کوارٹرز کے دورے کے انعام دینے کا اعلان کیا۔
انہوں نے کہا کہ ٹیکس چوری اور فراڈ میں ملوث افراد کی اطلاع دینے والوں کے نام خفیہ رکھیں گے۔
مزمل اسلم نے کہا کہ اس انعامی نظام کے لیے قانونی تحفظ کی فراہمی کے ضوابط کا مقصد اس سلسلے میں آواز اٹھانے والوں کی حوصلہ افزائی کرنا ہے اور یہ کام آخری مراحل میں ہے۔
مشیر خزانہ نے کہا کہ شہریوں کی مدد سے ٹیکس چوری اور دھوکا دہی سے نمٹنے کے لیے اقدامات جلد ہی نافذ کیے جائیں گے۔
